कैसे चढ़ावंव आरुग फूलवा तोर चरण मा दाई

कैसे चढ़ावंव आरुग फूलवा ...

🎵 मुखड़ा :

कैसे चढ़ावंव आरुग फूलवा,

तोर चरण मा दाई, कैसे चढ़ावंव आरुग फूलवा।।

तोर चरण मा दाई, कैसे चढ़ावंव आरुग फूलवा।।

कहां खोजव मैं, कहां पावंव मां…।।²

कहां ले लानेव वो…

तोर चरण मा दाई, कैसे चढ़ावंव आरुग फूलवा।।²

--

1️⃣ अंतरा :

गाय के दूध ला बछरा जुठारे,

सेवती के फूल ला भंवरा।।²

जब सेवती के फूल ला भंवरा हो मैया,

सेवती के फूल ला भंवरा…

गाय के दूध ला बछरा जुठारे,

सेवती के फूल ला भंवरा।।

--

2️⃣ अंतरा :

गोंदा के फूल ला मक्खी जुठारे,

कैसे चढ़ावंव अरवा।।²

जब कैसे चढ़ावंव अरवा ओ दाई,

कैसे चढ़ावंव अरवा…

गोंदा के फूल ला मक्खी जुठारे,

कैसे चढ़ावंव अरवा।।

कहां खोजव मैं, कहां पावंव मां…।।²

कहां ले लानेव वो…

तोर चरण मा दाई, कैसे चढ़ावंव आरुग फूलवा।।²

--

3️⃣ अंतरा :

कोठी के धान ला सुरही जुठारे,

दसमत फूल ला तितली।।²

जब दसमत फूल ला तितली हो मैया,

दसमत फूल ला तितली…

कोठी के धान ला सुरही जुठारे,

दसमत फूल ला तितली।।

--

4️⃣ अंतरा :

पेड़ के फल ला कोयली जुठारे,

गंगा के जल ला मछली।।²

जब गंगा के जल ला मछली हो मैया,

गंगा के जल ला मछली…

पेड़ के फल ला कोयली जुठारे,

गंगा के जल ला मछली।।

कहां खोजव मैं, कहां पावंव मां…।।²

कांहवा ले लानेव आरुग जल ला…

तोर चरण मा दाई, कैसे चढ़ावंव आरुग फूलवा।।²

--