झूलना मा बईठे मोर माता

झूलना मा बईठे मोर माता

जगरानी हो माता जगरानी हो

मैया लंगुरे भाई हा तोला झूलावै

तोर सेवा ला बजावै के झूलौ झूलौ झूलना हो

कौन माई झूलै झूलना कौन हा झूलावै

हो कौन हा झूलावै हो मैया

कौन हा ढ़ाके ओढ़वार के झूलौ झूलौ झूलना हो

बुढ़ी माई झूले झूलना लंगुरे झूलावै वो लंगुरे झूलावै ओ

सातो बहिनी ढ़ाके ओढ़वाल के झूलौ झूलौ झूलना हो

काहेन के झूलना अउ काहेन के ड़ोरी हो

काहेन के ड़ोरी हो मैया

काहेन के लागे ओढ़वार के झूलौ झूलौ झूलना हो

चन्दन के झूलना अउ रेशम के डोरी हो

चुनरी के ढ़ाके ओढ़वार के झूलौ झूलौ झूलना हो

पांच भगत मिल तोरे जस गावै हो तोरे जस गावै हो

मैया सेवा ला करथन तुम्हार के झूलौ झूलौ झूलना हो

बालक बरवा हो मैया कछु नही जानन हो

हो कछु नई जानन हो

मैया बिनती ला सुनिहौ हमार के झूलौ झूलो झूलना हो

झूलना मा बईठे मोर माता

जगरानी हो माता जगरानी हो मैया

लंगुरे भाई हा तोला झुलावै

तोर सेवा ला बजावै

के झूलौ झूलौ झूलना हो