जय जय हो शीतला भवानी
जय जय हो शीतला भवानी जय जय हो माता रानी
मैया पूरा कर दे आस वो मै गावत हओ जुड़वास वो
जय जय हो शीतला भवानी जय जय हो माता रानी
आगे असाड महिना संगी झम झम बरसे पानी
करिया बादर धरे हे मांदर नाचे धरती रानी
नाचे धरती रानी वो दाई नाचे धरती रानी
सासत के बेरा मा संगी झन कर मनमानी
मेचका टेटका कुकुर कोलिहा झूमे सबो परानी
झूमे सबो परानी वो दाई झूमे सबो परानी
दाई के चरन मनाबो जुर मिल बिनती ला सुनाबो
दाई थामे रहिबे रास वो
जय जय हो शीतला भवानी जय जय हो माता रानी 2
चलव वो बहिनी चलव गा भैया माता देवाला जाबो
पियर पियर तेल अऊ हरदी माता के अंग लगाबो
माता के अंग लगाबो ओ दाई माता के अंग लगाबो
नीम पाना के चवर गा भैया माता जी ला डोलाबो
दही चना के भोग लगाके जीवरा अपन जुडाबो
जीवरा अपन जुडाबो वो दाई जीवरा अपन जुडाबो
विपदा के हरैया दाई सुख के बरसैया दाई
राखे हाव तोर उपवास वो
जय जय हो शीतला भवानी जय जय हो माता रानी 2
झांझ मंजीरा मृन्दंक मांदर दाई के अंगना बजाबो
जस अऊ पचरा जोग जवारा दाई ला हमन सुनाबो
दाई ला हमन सुनाबो दाई ला हमन सुनाबो
काचा पाका जेवन रांधेव भोग ला लेग जाबों
बाम्हन देवता ला देके नेवता दाई के चरन मानबो
दाई के चरन मानबो दाई के चरन मानबो
बईठे हस शीतला दाई तोर जय हो शीतला दाई
डोंगा फसे हे मोर मजधार वो
जय जय हो शीतला भवानी जय जय हो माता रानी 2
मैया पूरा कर दे आस वो मै गावत हओ जुड़वास वो
जय जय हो शीतला भवानी जय जय हो माता रानी
✍ लेखक: -
🎤 प्रस्तुतकर्ता: SUNDRANI
