जनम देवैया कुंती मैया, कैइसन करम कमाय
जनम देवैया कुंती मैया ....
जनम देवैया कुंती मैया, कैइसन करम कमाय,
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
हो कुंति, मैया.. जनम देवैया.
जनम देवैया कुंती मैया, कैइसन करम कमाय,
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
यहो माता के ममता होगे जौहर कहिथे सकल संसारी गा,
माता भुलाए मया ला सुग्घर लोक लाज के दारी गा
ओ होंगे कैसे आन चरित्तर सुनव गुनव संगवारी गा
माता कइस कुमाता बरोबर करे अनित बड भारी गा
हो वेद लिवैया...जस गुनैया
वेद लिखया जस गुनैया महाभारत हे रचाय
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
यहो द्वापर जुग के कहनी बताये ऋषिमुनी गुन गाये गा
सुरसेन एक राजा राहय मथुरा के राज चलायेग गा ....
यहो ओकर बेटी कुंती कहाये कैना कुवारी जनाये गा
चौदह बछर के उमर धराये रूप रंग हा रुपसाये गा
हो गोद लेवैया राजा हे भैया
गोद लेवैया राजा हे भैया कुंतिभोज कहाये
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
यहो दुश्वाषा के सेवा बजाये कुति कैना कुमारी गा,
महा मंतर ओ मुनि ले पाये मन इच्छित वर भारी गा
यहो एक दिन अंतर ध्यान करे हे सुमरे सुरूज ला कुमारी गा,
सूरज नारायण प्रगट आयो रात परे अधियारी गा
हो रात पुरैया-रात हे करिया
रात पुरैया रात हे करिया काया-माया मे सनाय
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
यहां रहे गरब मे के कुंति कुमारी मन मन मे पछताये गा,
होगे आने -अनित हा भारी कुन-कुन जी घबराये गा
हो दिही मोला ये दुनिया गारी कइसे मुह लुकाये गा,
दसवा महिना के लगे हे पारी बेटा ला जनम धरायेगा
हो बने हे मैया- कुंती छेवरीया
हो बने हे मैया- कुंती छेवरीया गोदी मे ललना खेलाय
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
यहो हीरा बरोबर लईका आए मुह तेज समाएगा
कान मा कुंडल कवच बंधए गौर बदन झलकाएगा
लोक लाज के डर हे झाए कुंती गुन भंजाए गा
कहा जावव का करव उपाय अइसन संसो समाय गा
जग हे हसैया हसही ही नगररिया
चोला म दाग लगाय
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
कैसे माता ममता लुकाए आंख ले आसू बोहाए गा
तरी वोला घुना खाए छाती ला पखरा बनाए गा
हो कठवा के संदूक तुरते लाए लईका ला ओमे सुताए गा
जग बदनामी के डर हा सताए गंगा लेके बोहाए गा
रोए मैया संग छुड़ैया
रोए मैया संग छुड़ैया मया के अचरा छोड़ाय
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
हो अधिरत हे रथ के चलैया भीष्म के रथ ला हाके गा
हस्तिनापुर के ओ हा रहैया भरे पिटारी ला झाके गा
हो होए परसन भारी ओ मैया सुग्घर लईका ला पाके गा
लाये घर मा जतन करैया मने मन मा हरसाके गा
हो कोरा ओधईया राधा बने मैया
हो कोरा ओधईया राधा बने मैया माता के ममता पुराय
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
हो जात करम लईका के कराय करन नाम धराय गा
दाई ददा बने मया पुराय खेले संग मा खेलाय गा
झुलना झुलाए लोरी गाये सगरो दुलार पुराय गा
जनम देवैया ले बड के कहाय पोसे हिरदे लगाय गा
हो ममता के छैहा धरे हे बैहा
हो ममता के छैहा धरे हे बैहा बेटा हा सुख ला पाय
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
यहो इ दुनिया मा काय होवत हे माता के ममता नंदागे गा
बिना माई के लईका रोवत हे घोर कलजुग हा आगे गा
हा करम के बोझा कोन बोहत हे करनी करैया भगागे गा
दाई दयालु सौहे सोहत हे गुरु परसादे ला पके गा
हो जय बजरंग हे जस के गवैया
हो जय बजरंग हे जस के गवैया रहे चरण शीतला
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
जनम देवैया कुंती मैया ....
जनम देवैया कुंती मैया, कैइसन करम कमाय,
कोरव भितर ले बेटा जनम दे गंगा मा लेके बोहाय
कोरव भितर ले बेटा जनम दे गंगा मा लेके बोहाय
✍ लेखक: Unknown
🎤 प्रस्तुतकर्ता: MGKS PRODUCTION
