हे मैया शारदे मया अउ दुलार दे-चिंतुराम सेन

--

🌺 जसगीत लिरिक्स (छत्तीसगढ़ी) 🌺

हे मैया शारदे....

मुखड़ा

हे मैया शारदे, मया अउ दुलार दे

हे मैया शारदे, मया अउ दुलार दे

सबके तैं बिगड़ी बनैया, सबके तैं लाज बचैया

मोरो तैं बना दे…

हे मैया शारदे, मया अउ दुलार दे ॥2॥

--

अंतरा 1

अंधरा के आंखी बने, ठुठवा के हाथ ओ,

लंगड़ा के पांव बनके, लाज ला संवारे ओ।

अर्जी हे मोर ओ दाई, बिनती हे मोर ओ मैया,

गलती ला सुधार दे…

हे मैया शारदे, मया अउ दुलार दे ॥2॥

--

अंतरा 2

तैंहा मयारू दाई, हम तोर लईका ओ,

सबके चिन्हैया दाई, हरे दुख पीरा ओ।

सबके तैं लाज संवारे, सबके तैं बिगड़ी बनाए,

मोरो तैं बना दे…

हे मैया शारदे, मया अउ दुलार दे ॥2॥

--

अंतरा 3

ना तोर भक्ति ला जानों, ना पूजा-पाठ ओ,

ना मोर अक्कल नई हे, तहीं ओला जान ओ।

मैं निचट अंधरा हो दाई, मैं निचट अंधरा हो दाई,

चरण के तोर धूल दे…

हे मैया शारदे, मया अउ दुलार दे ॥

--

समापन

हे मैया शारदे, मया अउ दुलार दे

सबके तैं लाज रखैया, सबके तैं बिगड़ी बनैया

मोरो तैं बना दे…

हे मैया शारदे, मया अउ दुलार दे ॥2॥ 🙏

--