डंका तोर जग मा बाजे वीर भगत राज हनुमाने
डंका तोर जग मा बाजे वीर भगत राज हनुमाने
डंका तोर जग मा बाजे वीर भगत राज हनुमाने
ऐ रूद्र के अवतारी तोर लीला महिमा न्यारी
संकट मा लंगुरे गा, लंगुरे गा
संकट मा संकट मोचन
संकट मा संकट मोचन
जन जन तोला जाने
महावीर विक्रम बजरंगी हिरदय बसे सीया राम हे
शंकर सुवर केसरी नंदन पवन पुत तोर नाम हे
भरे ज्ञान गुन के भंडारे
कपि राज हे अंजनी दुलारे
तोर तिर मा लंगुरे गा, लंगुरे गा
तोर तिर मा कभु नई आये
तोर तिर मा कभु नई आये
भूत प्रेत मरि अउ मसाने
जीते जगत के दुर्गम काजे भक्ति के गोर सिताप के
उवत बेर के जोत ला लीले छिन मा जोजन भर नाप के
बली बंजरंग देह बजर के
लाले लाल लाली ला चुपर के
तै सीता लंगुरे गा
तै सीता सती के सुध ला
तै सीता सती के सुध ला
गढ़े लंका ले ले हस लाने
कापै धर धर असुरन घर घर अइसे लड़े लड़ाई
तोर परतापे मान जगत मा होथे भगत के बड़ाई
तही भाई लखन ला जियाये
राजा राम ला तही बनाये
तोरे महिमा लंगुरे गा, लंगुरे गा
तोरे महिमा भरत हे अनाड़ी
तोरे महिमा भरत हे अनाड़ी
बगधर्रा कतेक बखाने
डंका तोर जग मा बाजे वीर भगत राज हनुमाने
ऐ रूद्र के अवतारी तोरे लीला महिमा न्यारी
संकट मा लंगुरे गा, लंगुरे गा
संकट मा संकट मोचन
संकट मा संकट मोचन, जन जन तोला जाने
✍ लेखक: -
🎤 प्रस्तुतकर्ता: -
