दाई तोर अचरा मा फुले फुल गजरा मा-गजेन्द्र सिंह ठाकुर

.......

मुखड़ा

दाई तोर अचरा मा फुले फुल गजरा मा

दुनिया हा समाये हावय ओ ,

मया मा बधाये हावे ना

उड़ान –

अचरा मा दाई, अचरा मा

गजरा मा दाई, गजरा मा

ये दुनिया हा समाये हावय ओ

मया मा बधाये हावे ना

--

अंतरा 1

नव महीना तै कोख म राखे, दुःख पीरा सही

जनमाये

अपन लहू गोरस पिया के, चोला मोर हरियाये

लाघन भुखन रहिके दाई, मोला तैं खवाये

उड़ान –

मया के सजरा म, बंधे तोर पखरा म

दुनिया हा समाये ओ — वो माँ मया म

बधाये हावे ना

--

अंतरा 2

मै तोर बेटा, तै महतारी, मोला झन दूरिहाबे

अपन मयारू बेटा बर, मया सदा बरसाबे

सत के रद्दा दाई दिखाबे, रद्दा झन भटकाबे

उड़ान –

बंधे तोर बंधना म, बादर के बदरा म

दुनिया हा समाये ओ — वो माँ मया म

बधाये हावे ना

--

अंतरा 3

ममता के मूरत तैं माता, दुनिया तोला जाने

सबके दुःख पीरा समझे, सबके बात

पहिचाने

माता कभू कुमाता नई होये, वेद पुराण

बखाने

उड़ान –

प्रेम के चखरा म, लिखे जस पचरा म

दुनिया हा समाये ओ — वो माँ मया म

बधाये हावे ना

--