चल चंदरपुर जाबो गा भैया

चल चंदरपुर जाबो गा भैया

चन्द्रहासिनी माता के दरस करी आबो ना

ये दे चन्द्रहासिनी माता के दरस करी आबो ना

चलव वो दीदी चला गा भैया चला गा लईका सियान मन

चन्द्रहासिनी के दर्शन कर के जीवन होही धन धन

माता ला माथ नवाबो गा भैया

चन्द्रहासिनी माता के दरस करी आबो ना

ये दे चन्द्रहासिनी माता के दरस करी आबो ना

#

महानदी के तीर में सुग्घर माता जी हे बिराजे

दुखिया सुखिया निर्धन मन के माता बनाथे काजे

जीवन ला सुफल बनाबो गा भैया

चन्द्रहासिनी माता के दरस करी आबो ना

ये दे चन्द्रहासिनी माता के दरस करी आबो ना

जउन हा चंदरपुर में जा के माता के दर्शन पाथे

हाथ पसारे जाथे अऊ सब झोली भर के आथे

माता के आशीष पाबो गा भैया

चन्द्रहासिनी माता के दरस करी आबो ना

ये दे चन्द्रहासिनी माता के दरस करी आबो ना

#

चल चंदरपुर जाबो गा भैया

चन्द्रहासिनी माता के दरस करी आबो ना

ये दे चन्द्रहासिनी माता के दरस करी आबो ना