चाहे रिसाए ये जग सगरो दाई तैं झन रिसाबे
156 बार देखा गया
चाहे रिसाए ये जग सगरो दाई तैं झन रिसाबे वो
मोर जिनगी के डोंगा ला वो दाई पार लगाबे
चौरासी के बंधना दाई चौरासी हे धारा
ठाढ़े ठाढ़े गुनत हावौ कईसे उतरंव पारा
तैं जग के वो महतारी कब करबे मोर चिन्हारी
मोर फूटहा करम ला वो कोन बेरा सजाबे
ए महामाया मोर जिनगी के डोंगा ला वो दाई पार लगाबे
तोर किरपा ले ठगड़ी के छाती ले फूटै दूध के धारा
तोर डेहरी म महूं परे हंव नई हे कोनो सहारा
मोर जिनगी म हे अंधियारी आही कब वो उजियारी
हिरदय म भगती के वो अब जोत जालाबे
ए महामाया मोर जिनगी के डोंगा ला वो दाई पार लगाबे
चाहे रिसाए ये जग सगरो दाई तैं झन रिसाबे वो
मोर जिनगी के डोंगा ला वो दाई पार लगाबे
✍ लेखक: -
🎤 प्रस्तुतकर्ता: SUNDRANI
