बर अघुवावय वो पीपर पछुवावय वो-गौतम टंडन

मुखड़ा:

बर अघुवावय वो पीपर पछुवावय वो,

लिमुवा हे धरम दुवार हो मां ,

हो मैया लिमुवा हे धरम दुवार हो मां।

ये जलनी लिमुवा हे धरम दुवार हो मां। 2

अंतरा 1:

हां लिमुवा के तीर-तीर मैया गड़े हे हिंडोलना

लाखो आवय वो लाखो जावय हो मां ॥2॥

ये मैया लाखो आयव वो लाखो जावय हो मां ॥2॥

अंतरा 2:

हां झूलना झूलत वो बिधुन भैईगे माया मोर,

टूट गये नवसे के हार हो मां ॥2॥

ये मैया टूट गये नवसे के हार हो मां ॥2॥

अंतरा 3:

हां कोन सकेले वो मैया अजरा अउ गजरा,

कोन सकेले सोनहा हार हो मां ॥2॥

ये मैया कौन सकेले सोनहा हार हो मां ॥2॥

अंतरा 4:

हां मलिया सकेले वो मैया अजरा अउ गजरा,

सोनार सकेले सोनहा हार हो मां ॥2॥

ये मैया सोनार सकेले सोनहा हार हो मां ॥2॥

अंतरा 5:

हां कोन माई पहिरे वो मैया अजरा अउ गजरा,

कौन माई पहिरे सोनहा हार हो मां ॥2॥

ये मैया कौन माई पहिरे सोनहा हार हो मां ॥2॥

अंतरा 6:

हां बुढ़ीमाई पहिरे वो मैया अजरा अउ गजरा,

दुर्गा माई पहिरे सोनहा हार हो मां ॥2॥

ये मैया दुर्गा माई पहिरे सोनहा हार हो मां ॥2॥

अंतरा 7:

हां पांच भगत मिल तोरे जस गायेन वो,

जय-जय होवत हे तुम्हारे हो मां ॥2॥

ये मैया जय-जय होवत हे तुम्हारे हो मां ॥2॥

अंतरा 8:

हां बालक बरूआ मैया कछु नई तो जानन

वो,

सेवा ला करत हन तुम्हारे हो मां ॥2॥

ये मैया सेवा ला करत हन तुम्हारे हो मां ॥2॥

--