बईला म चघ के चले हे महादेव

बईला म चघ के चले हे महादेव

गौरी करे बर बिहाव

जोगनी परेतिन मउर परोसे

होथे मंगल उत्साव

यहो ढोल नंगारा ल सब झन पीटे

नाचत हे बैताल

लफ लफ लफ ओदे रद्दा बरत हे

जईसे दिखत हे मसाल

यहो बईला म चघ के चले हे महादेव

गौरी करे बर बिहाव

जोगनी परेतिन मउर परोसे

होथे मंगल उत्साव

यहो खदबिद खदबिद भूतवा हा दउड़े

पारत हावै गोहार

कइसे बरतिया आये हे बहिनी

तिरिया करत हे बिचार

यहो बईला म चघ के चले हे महादेव

गौरी करे बर बिहाव

जोगनी परेतिन मउर परोसे

होथे मंगल उत्साव

यहो गौरी बिचारी हा का सुख पाही

जोड़ी मिले मतवार

दुनिया ले बाहिर दूल्हा डउका

नई हे कुछु के चिन्हार

यहो बईला म चघ के चले हे महादेव

गौरी करे बर बिहाव

जोगनी परेतिन मउर परोसे

होथे मंगल उत्साव

यहो फूटगे करम मैना रानी के

जोड़ी सदा अनसम्हार

हांसी फबित्ता ल सब झन करही

गारी दीही संसार

यहो बईला म चघ के चले हे महादेव

गौरी करे बर बिहाव

जोगनी परेतिन मउर परोसे

होथे मंगल उत्साव

यहो खडरी ल पहिरे अऊ राख ल चुपरे

पहिरे हे सांप के हार

बईला दिखत हावै मरहा खुरहा

जईसे धरे हे बुखार

यहो बईला म चघ के चले हे महादेव

गौरी करे बर बिहाव

जोगनी परेतिन मउर परोसे

होथे मंगल उत्साव

यहो राजा हिमांचल जन सेना धर के

सुग्घर बारात परघाये

शारदा मंडल पीटे नंगाड़ा

अजय सुर लमाये

जय हो भोले

यहो बईला म चघ के चले हे महादेव

गौरी करे बर बिहाव

जोगनी परेतिन मउर परोसे

होथे मंगल उत्साव