--
बघवा ढिलाये – जसगीत
बघवा बघवा कहे रे संगी, बघवा कहां ले
आय।
बघवा ढिलाये रण भुईया मां, फोड़ कलेजा
खाय।।
.....
मुखड़ा
यहो बघवा ढिलाये, बघवा ढिलाये, बघवा
ढिलाये ना
रण भुईयां मां दुर्गा दाई के, बघवा ढिलाये ना
उड़ान
यहो दानव सेना जब देवी संग झगड़ा मचाये
ना
रण भुईयां में बघवा ढिलाये, बघवा ढिलाये ना
रण भुईयां मां दुर्गा दाई के, बघवा ढिलाये ना
.....
पद 1
जग हित खातिर जगदम्बा हा जूझे रण मा
जम के गा,
संग-संग बघवा गर्जन लागे पोटा असुरन के
गा,
यहो धर-धर दानव रौंदे बघवा गैरी माताये ना,
रण भुईयां में बघवा ढिलाये, बघवा ढिलाये ना
.....
पद 2
जंगल के राजा हा बिफर के बादर कस
गरजत हे गा,
किजर-किजर रण भुईयां मां असुरन बर
झपटत हे गा,
यहो घलबल मचगे रण भुईयां मां लहू
बोहाये ना,
रण भुईयां में बघवा ढिलाये, बघवा ढिलाये ना
.....
पद 3
बन के अड़े रा रण भुईयां मां दाई के बघवा
छागे गा,
जीव के डर मा दानव मन जतर-कतर सब
भागे गा,
यहो चाबय-चिरय दानव मन ला बड़ गुर्राये ना,
रण भुईयां में बघवा ढिलाये, बघवा ढिलाये ना
......
पद 4
महतारी के हितवा बघवा दानव मन ला
नसाथे गा,
जगतारण संग रहिके देवन काज बनाथे गा,
यहो प्रेम पुरन हा बघ देवा के आशीष पाये
ना,
रण भुईयां में बघवा ढिलाये, बघवा ढिलाये ना
.......
✍ लेखक: पुरण साहू
🎤 प्रस्तुतकर्ता: Ps Music
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics