बघवा मा बैठे रणगरजे वो दुर्गा दुलौरिन दाई-पुरण साहू

मुखड़ा :

बघवा मा बैठे रणगरजे वो, दुर्गा दुलौरिन

दाई। 2

ये बैरी ला अरजै, बरजै ना... 2

दुर्गा दुलौरिन दाई।

ये दुर्गा दुलौरिन दाई वो, दुर्गा दुलौरिन दाई,

बघवा मा बैठे रणगरजे वो, दुर्गा दुलौरिन

दाई। 2

अंतरा 1 :

यहो जब-जब भुईयां मा बैरी मनके,

अत्याचार बढ़े हे 2

यहो जगतारण जगदम्बा ज्वाला,

ले अवतार अड़े हे 2

यहो उमर-घुमर के घुमरे ना...

यहो उमर-घुमर के घुमरे ना...

दुर्गा दुलौरिन दाई...

बघवा मा बैठे रणगरजे वो, दुर्गा दुलौरिन

दाई। 2

अंतरा 2 :

यहो चंड-मुंड महिषासुर ला मारे,

रक्तबीज संघारे 2

यहो शुंभ-निशुंभ बरदानी दानव,

दुर्गम दुरगी ला तारे 2

यहो पर तृष्णा ला मारीहैं ना...

यहो पर तृष्णा ला मारीहैं ना...

दुर्गा दुलौरिन दाई...

बघवा मा बैठे रणगरजे वो, दुर्गा दुलौरिन

दाई। 2

अंतरा 3 :

यहो अन्न-धन घर-घर, बेटीयन बेटवा,

तीनों तिलिक तर जाये 2

यहो जौने जैसे मागे वो माता,

तौने तैसे पाथे 2

यहो महिमा बरबस बगरै ना...

यहो महिमा बरबस बगरै ना...

दुर्गा दुलौरिन दाई...

बघवा मा बैठे रणगरजे वो, दुर्गा दुलौरिन

दाई। 2

समापन (मुखड़ा दोहराव):

ये दुर्गा दुलौरिन दाई वो, दुर्गा दुलौरिन दाई,

बघवा मा बैठे रणगरजे वो, दुर्गा दुलौरिन

दाई। 2