अनलेख ओ दाई दियना जलत हे अनलेख-चिन्तु राम सेन

मुखड़ा :

अनलेख ओ दाई, दियना जलत हे अनलेख,

अनलेख ओ मैया, दियना बरत हे अनलेख।

हो मैया तोरे भुवना मां हो...

अनलेख ओ दाई, दियना जलत हे अनलेख,

अनलेख ओ मैया, दियना बरत हे अनलेख॥

--

अंतरा 1 :

ये सात घोड़ा मा सुरूज बैठके, सात किरण

जोत पारे। (2)

ये शीतल ज्योति पवन पुरवाही, चंद्र देव हा

निहारे॥ (2)

ये ब्रम्हा विष्णु जोत जलावै,

धरे बाम्हण के रूप...

अनलेख ओ दाई, दियना जलत हे अनलेख,

अनलेख ओ मैया, दियना बरत हे अनलेख॥

--

अंतरा 2 :

सत्यलोक ले महापुरुष हा, सत के जोत

जलाए। (2)

चंवर डोलाए पवनदेव हा, शीतल नीर

बरसाए॥ (2)

तोर मया मा महादेव हा,

धरे अघोरी के भेष...

अनलेख ओ दाई, दियना जलत हे अनलेख,

अनलेख ओ मैया, दियना बरत हे अनलेख॥

--

अंतरा 3 :

ब्रम्हालोक ले ब्रम्ह ज्योति, स्वर्ग म करे

उजाला। (2)

ज्योति जलाए नागलोक मा, शेषनाग

अहिराजा॥ (2)

तोर चरण मं चिंतुराम हा,

मया ला भरके दे...

अनलेख ओ दाई, दियना जलत हे अनलेख,

अनलेख ओ मैया, दियना बरत हे अनलेख॥

--