ऐला ओला ओ गोरी मै रंगावौ का तोला
ऐला ओला ओ गोरी मै रंगावौ का तोला
हरियर रंगावौ के पीला लगाव
लाली गुलाबी का नीला लगावौ
ऐला हाय हाय ओला
ऐला ओला ओ गोरी मै रंगावौ का तोला
चंदा जइसे तोर रूप में का रंग के मै सिंगार करौ
कइसे बतावव मै तोला गोरी तोर ले कतका प्यार करौ
का रंग मा रंगदौ बतादे मोला
तोला रंगे बर तरसत हे चोला
ऐला ओला ओ गोरी मै रंगावौ का तोला
अइसे रंगहूँ तोर अंग अंग ला जियत भर कभूँ छुटे नही
फागुन पिरित मया के डोरी टोरे मा ओ कभूँ टुटे नही
अभी हावै तोरे उमर सोला
तभे तो दिखत हस बम के गोला
ऐला ओला ओ गोरी मै रंगावौ का तोला
नव रंग रंग ला डार के तोर संग मनाहू तिहार ओ
आही कोसरिया लिहे बर तोला करलेबे सोलह सिंगार ओ
मोर घर आही गोरी तोर डोला तै मोर भोली अउ मै तोर भोला
ऐला ओला ओ गोरी मै रंगावौ का तोला
हरियर लगावौ के पीला लगाव लाली गुलाबी का नीला लगावौ
ऐला ओला ओ गोरी मै रंगावौ का तोला
✍ लेखक: दुकालू यादव
🎤 प्रस्तुतकर्ता: -
