आगे हे नवरात्रि हर सुघर नवें दिन बर

मुखड़ा

आगे हे नवरात्रि हर सुघर नवें दिन बर

यहो नवा नवा होवथे सिंगार हो माया मोर

आगे हे नवरात्रि हर सुघर नवे दिन बर

अंतरा 1/

रतन के सिंहासन ऊपर बैठे हे महामाया

यहो सुघर लगे हावय दरबार हो माया मोर

ये आगे हे नवरात्रि हर सुघर नवें दिन बर

अंतरा 2/

आवत हावय तैंतीस कोटि देवता दरश बर

यहो सरधा के करथे जोहार हो माया मोर

ये आगे हे नवरात्रि हर सुघर नवें दिन बर

अंतरा 3/

ब्रह्म अउ बिष्णु शंकर बिनती सुनावय

यहो कैईथे तोर लीला अपरम्पार हो माया मोर

ये आगे हे नवरात्रि हर सुघर नवें दिन बर

अंतरा 4/

तिंही सरसती लक्ष्मी दुर्गा भवानी

यहो आनी बानी लिए अवतार हो माया मोर

ये आगे हे नवरात्रि हर सुघर नवें दिन बर

अंतरा 5/

नवें दिन हुमन पूजन करथे सबो झन

यहो सुख के तैं भरे भंडार हो माया मोर

ये आगे हे नवरात्रि हर सुघर नवें दिन बर

अंतरा 6/

नवे हे अजय हर माता तोरे चरण में

यहो तिंही ओकर करबे उबार हो माया मोर

ये आगे हे नवरात्रि हर सुघर नवें दिन बर।

यहो नवा नवा होवथे सिंगार हो माया मोर

ये आगे हे नवरात्रि हर सुघर नवें दिन बर