ऐ गा ऐ जंगल के राजा महतारी ला लेके आजा-लोकेश्वरी सेन

मुखड़ा :

ऐ गा ऐ जंगल के राजा, महतारी ला लेके

आजा।

आंखी ले झरझर मैया, आंसू बरसत हे।

दर्शन बर तोर भवानी, नैना तरसत हे।

ऐ गा ऐ जंगल के राजा, महतारी ला लेके

आजा।

अंतरा 1 :

जगजननी के हितवा बघवा, जुग-जुग देवी

दिवाना,

घूमत किंजरत जंगल झारी, थोरकिन कदम

बड़ा ना।

अंतरा 2 :

माता सेवा बर तरसे चोला, माई ला संग में

लाना,

झुमरत रैईथों, जोहत रैईथों, गावत रैईथों

गाना।

वंदना ला बदके मैया, बोये हंव जंवारा,

नेवता हे तोला जननी, आबे हमरो पारा।

ऐ गा ऐ जंगल के राजा, महतारी ला लेके

आजा।

अंतरा 3 :

बारो महिना नौ दिन राती, पहुना बरोबर आए,

मंदिर-मंदिर माता देवाला, लाली ध्वजा

लहराए।

अंतरा 4 :

जोत जंवारा आरा पारा, घर-घर दीयना

जलाए,

नाचे सुवना तरी हरी नाना, सातो बहिनिया

सकलाए।

बगीया के तोर भवानी, देव रखवाला,

ममता बरसादे मैया, बन जा सहारा।

ऐ गा ऐ जंगल के राजा, महतारी ला लेके

आजा।

समापन :

वंदना ला बदके मैया, बोये हंव जंवारा,

नेवता हे तोला जननी, आबे हमरो पारा।

ऐ गा ऐ जंगल के राजा, महतारी ला लेके

आजा।