ऐ ओ मयारू दाई वीणा बजावत चले आबे ओ

मुखड़ा

ऐ ओ मयारू दाई, वीणा बजावत चले

आबे ओ,

ऐ ओ मयारू दाई, वीणा बजावत चले

आबे ओ।

--

अंतरा – 1

ऐ सुरहिन गैया के गोबर मंगायेव वो दाई,

खुंट धर अंगना लिपाये हो मां।

ये खुंट धर अंगना लिपाये वो मोरो दाई,

खुंट धर अंगना लिपाये हो मां।

ऐ ओ मयारू दाई, वीणा बजावत चले

आबे ओ

--

अंतरा – 2

ऐ गजमोतियन के चौंक पुरायेव वो दाई,

सोने के कलश मड़ाये हो मां..।।

ये सोने के कलश मड़ाये वो मोरो दाई,

सोने के कलश मड़ाये हो मां।

ऐ ओ मयारू दाई, वीणा बजावत चले

आबे ओ।

--

अंतरा – 3

ऐ तिली के तेल के जोते जलायेव वो दाई,

जगमग करत हे अंजोर हो मां..।।

ऐ जगमग करत हे अंजोर वो मोरो दाई,

जगमग करत हे अंजोर हो मां।

ऐ ओ मयारू दाई, वीणा बजावत चले

आबे ओ।

--

अंतरा – 4

ऐ पांच भगत मिल तोरे जस गाये वो दाई,

सुमर-सुमर के मनाये हो मां।

ऐ सुमर-सुमर के मनाये वो मोरो दाई,

सुमर-सुमर के मनाये हो मां।

ऐ ओ मयारू दाई, वीणा बजावत चले

आबे ओ।

--

अंतरा – 5

ऐ बालक बरूआ कछु नई तो जाने वो दाई,

विनती ला सुनिहौ हमार हो मां।

ऐ विनती ला सुनिहौ हमार वो मोरो दाई,

विनती ला सुनिहौ हमार हो मां।

--

मुखड़ा (समापन)

ऐ ओ मयारू दाई, वीणा बजावत चले

आबे ओ

ऐ ओ मयारू दाई, वीणा बजावत चले

आबे ओ