ये दे जिनगी के नई हे ठिकाना
लहर गंगा ले लेतेन जोही
लहर गंगा ले लेतेन ना
ये दे जिनगी के नई हे ठिकाना
लहर गंगा ले लेतेन जोड़ी
लहर गंगा ले लेतेन ना
पुन्नी के मेला मा जातेंन दुकेल्ला
अउ कर आतेंन गंगा असनान
पुन्नी के मेला मा जातेंन दुकेल्ला
अउ कर आतेंन गंगा असनान
ले लेतेन केरा चढ़ा लेतेन भेला
मना लेतेंन भोला भगवान
ले लेतेन केरा चढ़ा लेतेन भेला
मना लेतेंन भोला भगवान
काया माया के नई हे ठिकाना
काया माया के नई हे ठिकाना
मेला ठेला देख आतेन जोड़ी
मेला ठेला देख आतेन ना
ये दे जिनगी के नई हे ठिकाना
लहर गंगा ले लेतेन जोही
लहर गंगा ले लेतेन ना
अत्तेक सुछेल्ला म झूल लेतेंन ढेलवा
अउ खा लेतेन बीरो के पान
अत्तेक सुछेल्ला म झूल लेतेंन ढेलवा
अउ खा लेतेन बीरो के पान
हावस मुड़पेलहा मैं नई झूलौ ढेलवा
के छूट जाही मोरे परान
हावस मुड़पेलहा मैं नई झूलौ ढेलवा
के छूट जाही मोरे परान
गत बानी ला बने बनाके
गत बानी ला बने बनाके
पिरीत पानी पी लेतेन जोड़ी
पिरीत पानी पी लेतेन ना
ये दे जिनगी के नई हे ठिकाना
लहर गंगा ले लेतेन जोही
लहर गंगा ले लेतेन ना
काड़ी मिठई चूरकी चना अउ लाई
चुहक लेतेन पड्री कुसियार
काड़ी मिठई चूरकी चना अउ लाई
चुहक लेतेन पड्री कुसियार
का होतिस चिनहा के चूरी अउ फूंदरी
पहिर लेतेव नव लखिया हार
का होतिस चिनहा के चूरी अउ फूंदरी
पहिर लेतेव नव लखिया हार
ये दे जिवरा के नई हे भरोषा
ये दे जिवरा के नई हे भरोषा
के जीव ला जुड़ो लेतेन जोही
के जीव ला जुड़ो लेतेन ना
ये दे जिनगी के नई हे ठिकाना
लहर गंगा ले लेतेन जोही
लहर गंगा ले लेतेन ना
✍ लेखक: -
🎤 प्रस्तुतकर्ता: -
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics