तोरे मंदिर मा दाई चुनरी चढ़ाएव - सोला सिंगार

तोरे मंदिर मा दाई चुनरी चढ़ाएव

चुनरी के संग मा दाई नाके नथुनिया वो

माथे टिकुलिया वो

करे हावय सोला सिंगार हो मा

चन्दन पिढूलिया दाई तोर बर सजायेव

तीरे तीरे दियना जलाव

तोरे भुवन मा दाई चौक पुरावाव

भक्ति के भजन सुनाव

तोरे चरण मा दाई महुर लगाएव

महुर के संग मा दाई सुग्घर बिछिया वो

पावे पैजनिया वो

करे हावय सोला सिंगार हो मा

शरधा सुमरनी दाई जस ला सुनावव

घर घर कलशा जलाव

सातो दिसा माँ दाई जवा बोवाएव

दरस के आसा मै लगाव

तोरे नैना मा दाई कजरा मंगायेव

कजरा के संग मा दाई फुलवा के गजरा वो

मोहनी मुरतिया वो

करे हावय सोला सिंगार हो मा