तोर डंडा शरण पखारव वो जय कंकालिन दाई

तोर डंडा शरण पखारव वो जय कंकालिन दाई

तोर डंडा शरण पखारव वो जय कंकालिन दाई -2

अऊ जय कंकालिन दाई मोर करबे माता सहाई

तोर डंडा शरण पखारव वो जय कंकालिन दाई -2

देवलोक में मातेश्री तै पहली साज सजाये वो,

पहली साज सजाये वो।

छत्तीस कोटि देवता धामी तोला माथ नवाये वो,

तोला माथ नवाये वो।

रक्तबीज दानव ला मार के काली रूप चिहाये वो,

काली रूप चिहाये वो।

कालरात्रि तोर रूप हर जेघरी परलय मचाये वो,

जेघरी परलय मचाये वो।

उड़ान:

तोर आरती मैंहा उतारव वो जय कंकालिन दाई -2

तोर डंडा शरण पखारव वो जय कंकालिन दाई -2

रिस भन्नागे मातेश्री के थर-थर कापत आये वो,

थर-थर कापत आये वो।

अइसे अक्छीर माता होही कहिके जोखा मनाये वो,

कहिके जोखा मनाये वो।

तबले दाई कंकालिन तै खाव-खाव चिल्लाये वो,

खाव-खाव चिल्लाये वो।

पान फूल नरियर ला धरके देवी तोला मनाये वो,

देवी तोला मनाये वो।

उड़ान:

तोर सुरता के दियना बारव वो जय कंकालिन दाई -2

तोर डंडा शरण पखारव वो जय कंकालिन दाई -2

दिन बहुरागे कलजुग आगे देवी हां चरित दिखाये वो,

देवी हां चरित दिखाये वो।

छत्तीसगढ़ के डीही डोंगरी में जाके माता थिराये वो,

जाके माता थिराये वो।

कहु बम्लाई कहु समलाई शारदा बनके छाये वो,

शारदा बनके छाये वो।

अउ समय-समय में अपन भगत ल तैहा दरश दिखाए वो,

तैहा दरश दिखाए वो।

उड़ान:

तोर प्रेम ला सुन्दर तारव वो जय कंकालिन दाई -2

तोर डंडा शरण पखारव वो जय कंकालिन दाई -2