तोर चरण म करमा माता

कुल देवी कुल देवता

कुल के आये रखवार

अन धन जन बढ़ती करे

नईया लगाए पार

नईया लगाए पार

तोर चरण में करमा माता

दिन रात नवावौ माथा

तोर जय होवै वो

भक्तिन दाई करमा मैया

जय होवै तोर

दानी राम साहा के घर में तोर हाईस अवतारे

चैत्र एकादशी में आये कुल में करे उजियारे

तोर लीला के सुखदाई महिमा गुणी जन गाये

अज्ञान हरैया

भक्तिन दाई करमा मैया जय होवै तोर

ऊंच नीच के भेद मिटा के भक्ति के राह दिखाये

जगन्नाथ स्वामी ल मैया तैं हा खिचड़ी खिलाये

करमा माता तैं कहाये सेवा भक्ति मन भाये

माया बरसइया

भक्तिन दाई करमा मैया जय होवै तोर

साहू कुल के तैं कुल देवी सुख संपत्ति देवइया

दोनों लोक में आनंद पाते तोर भक्ति में रमइया

तैं दुखियों के हितकारी जन जन के महतारी

भाव पार करइया

भक्तिन दाई करमा मैया जय होवै तोर

तोर चरण में करमा माता

दिन रात नवावौ माथा

तोर जय होवै वो

भक्तिन दाई करमा मैया जय होवै तोर

तोर जय होवै वो

भक्तिन दाई करमा मैया जय होवै तोर