तीनो जुग मा तै हा आये ओ
तीनो जुग मा तै हा आये ओ
तै मया बगराये
ओ तै मया बगराये
तीनो जुग मा तै हा आये ओ
तै मया बगराये
तीनो जुग मा तै हा आये ओ
जुग जुग मा तै किरती कमाये
जुग जुग मा तै किरती कमाये
शक्ति अपन देखाये
तैं मया बगराये
सतजुग मा परबतिया भवानी कारी तन सम्भराये
महादेव ला दूध पिया के कोरा मा अपन खेलाये
महादेव ला दूध पिया के कोरा मा अपन खेलाये
धन धन हे तोर मातनिरंजनी
धन धन हे तोर मातनिरंजनी
मया दुलार पुराये
तै मया बगराये
द्वापर जुग दुरपत के बेटी दुरपति तिही कहाये
सब देवता तोर पूजा करे देख भीम चकखाये
सब देवता तोर पूजा करे देख भीम चकखाये
पांचो पांडव के आंखी उघर गे
पांचो पांडव के आंखी उघर गे
कौरव के नाश कराये
तै मया बगराये हो
त्रेता जुग में मुनिरटत ले सिता जनम पाये
वेदवति के सराप उतर गे रावण वंश सिराये
वेदवति के सराप उतर गे रावण वंश सिराये
राम राज के सोर हा उड़ गे
राम राज के सोर हा उड़ गे
सत के गंगा बोहाये
तै मया बगराये
कलजुग मा तै माटी के दुर्गा रूप मा पूजा पाये
नर नारी तोर वरत करथे अखंड ज्योत जलाये
नर नारी तोर वरत करथे अखंड ज्योत जलाये
परमानंद कठोलिया अर्पन
परमानंद कठोलिया अर्पन
सर्वस भेंट चघाये
तै मया बगराये
तीनो जुग मा तै हा आये ओ
तै मया बगराये
ओ तै मया बगराये
ओ तै मया बगराये
ओ तै मया बगराये
✍ लेखक: परमानंद कठोलिया
🎤 प्रस्तुतकर्ता: -
