तै कामा झूला झूलबे हो मैया बांधेव नीम डारा मा-सुनील तिवारी

🌼 जसगीत / लिरिक्स 🌼

“तैं कामा झुला झुलबे हो मैया”

मुखड़ा :

तैं कामा झुला झुलबे हो मैया बांधेव नीम डारा मा,

चुंदी ला छरियाके वो शीतला जावय बैगापारा मा। (2)

अंतरा 1.

गली-गली मा पानी ओरछे, गंगा-जमुना के धारा मा,

साजे हावय सुपेती सुघर, उलवहा-उलवहा पाना मा। (2)

तैं कामा झुला झुलबे हो मैया बांधेव नीम डारा मा,

चुंदी ला छरियाके वो शीतला जावय बैगापारा मा। (2)

अंतरा 2.

राय चुली झुले बर आबे, छोलेव बसुला आरा मा,

चुंदी ला छरियाके वो शीतला जावय बैगापारा मा। (2)

तैं कामा झुला झुलबे हो मैया बांधेव नीम डारा मा,

चुंदी ला छरियाके वो शीतला जावय बैगापारा मा। (2)

अंतरा 3.

तोर दुवारी मा सब झन आये, धरके हुमवा पाना ला,

दही के पोतकी दार चना के, बोहय तोर जंवारा ला। (2)

तैं कामा झुला झुलबे हो मैया बांधेव नीम डारा मा,

चुंदी ला छरियाके वो शीतला जावय बैगापारा मा। (2)

अंतरा 4.

गलवा माता बनके आबे, माते माटी गारा मा,

चुंदी ला छरियाके वो शीतला जावय बैगापारा मा। (2)

तैं कामा झुला झुलबे हो मैया बांधेव नीम डारा मा,

चुंदी ला छरियाके वो शीतला जावय बैगापारा मा। (2)

अंतरा 5.

तन भर माता गहना सिंगारे, का-का जोरव जोरण मा,

टिकली माहुर नथली जोरेव, जोरय हव फुलगजरा मा। (2)

तैं कामा झुला झुलबे हो मैया बांधेव नीम डारा मा,

चुंदी ला छरियाके वो शीतला जावय बैगापारा मा। (2)

अंतरा 6.

सीया ससाकी ससमरी हो माता, खेले दया तोर कोरा मा,

चुंदी ला छरियाके वो शीतला जावय बैगापारा मा। (2)

तैं कामा झुला झुलबे हो मैया बांधेव नीम डारा मा,

चुंदी ला छरियाके वो शीतला जावय बैगापारा मा। (2)