सुमिरन सुमिरन मैया तोरे जस गायेन वो -पारंपरिक

पारंपरिक जसगीत -

सुमिरन सुमिरन मैया तोरे जस गायेन वो,

सुमर सुमर लेबो नाम हो मां 2

हो मैया सुमर सुमर लेबो नाम हो मां 2

1/तोर सुमरनी में मैया, पापे वो कटत हे

काया वो निर्मल होवथे शरीर हो मां 2

हो मैया काया वो निर्मल होवथे शरीर हो मां 2

2/काकर गाबोन मैया काकर बजाबोन वो,

कौन मैया के लेबो हम नाम हो मां 2

हो मैया कौन मैया के लेबो हम नाम हो मां 2

3/राम के गाबोन मैया लछिमन बजाबोन वो,

शीतला मैया के लेबो हम नाम हो मां 2

हो मैया शीतला मैया के लेबो हम नाम हो मां 2

4/बैठत सुमरो मैया धरती अउ पिरथी ला,

उठत सुमरो मैं आकाशे हो मां 2

हो मैया उठत सुमरो मैं आकाशे हो मां 2

5/दियना जलत हावे माया के मंदिर मा,

चारों दिशा करथे प्रकाश हो मां 2

हो मैया चारो दिशा करथे प्रकाश हो मां 2

6/बीच आंगन में बैठे केवल भवानी वो,

चहुं दिशा नजर लगाये हो मां 2

हो मैया चहुं दिशा नजर लगाये हो मां 2

7/उत्ती दिशा में बैठे लाल लंगुरवा वो,

माता जी ला करथे पुकार हो मां 2

हो मैया माता जी ला करथे पुकार हो मां 2

8/जेला सुनय माता केवल भवानी वो,

माता जी ला करथे पुकार हो मां 2

हो मैया माता जी ला करथे पुकार हो मां 2

9/दसो अंगुलियां के मैया विनती करत हंव,

राहु चरण लिपटाये हो मां 2

हो मैया राहु चरण लिपटाये हो मां 2

10/तोर दिये हावे मैया अन्न धन लक्ष्मी वो,

तोर दिये हावे भंडारे हो मां 2

हो मैया तोर दीये हावे भंडारे हो मां 2

11/बालक बरुवा दाई सेवा नई तो जानेव वो,

करहु क्षमा वो अपराध हो मां 2

हो मैया करहु क्षमा अपराध हो मां 2

12/पांच भगत मिल तोरे जस गावय वो,

जय जय बोलथन तुम्हारे हो मां 2

हो मैया जय जय बोलथन तुम्हारे हो मां 2

Traditional Song 🚩🌺