शीतला बिराजे वो मोर गांव मा बर नीम के छांव मां-कुबेर साहू

🟢 मुखड़ा :

शीतला बिराजे वो....

मोर गांव मा बर नीम के छांव मा, शीतला बिराजे वो।

हां मोर गांव मा बर नीम के छांव मा, शीतला बिराजे वो।

.....

🔵 अंतरा 1 :

यहो छत्तीसगढ़ के पावन भुईया, जिंहा तैं हा बिराजे,

महिमा तोर अपार हे दाई, अछरा के छैया लमाये,

यहो बघवा सवारी वो....

मोर गांव मा बर नीम के छांव मा, शीतला बिराजे वो।

शीतला बिराजे वो...

....

🔵 अंतरा 2 :

यहो चैत कुंवर नवरात परब मा, जोत जंवारा बोवाये,

बरदानी सब देवी देवता, तोरे दरश बर आये,

यहो दरश देखाये वो....

मोर गांव मा बर नीम के छांव मा, शीतला बिराजे वो।

शीतला बिराजे वो...

......

🔵 अंतरा 3 :

यहो महामाया तोर संग में बहिनी, भक्तिन माता शक्ति,

ठाकुर देवता देव बजरंगी, करत हावय तोर भक्ति,

यहो तोर जस गायेव वो....

मोर गांव मा बर नीम के छांव मा, शीतला बिराजे वो।

शीतला बिराजे वो...

.......