शीतल कर शीतला दाई
शीतल कर शीतला दाई, होगे हे बड करलाई
जिनगी बनगे तमाशा मोर, एक तोरे बस आशा वो शीतला दाई
ए विपदा आए ले दाई, दुनिया सब बदहाल होगे शीतला दाई
दुख के आगी मा तन हा जरत हे, किरपा जल बरसा देते शीतला दाई
अब ताकत मोर सिरागे, सब सपना मोर परागे 2
जिनगी बनगे तमाशा मोर, एक तोरे बस आशा वो शीतला दाई
लाइका हन गलती हो जाथे, सब अपराध क्षमा कर दे शीतला दाई
हाथ जोडे ये गांव खड़े हे, बिगड़ी सब के बना देते शीतला दाई
अतका सब रोग झपा गे, जम्मो सुख मोर परागे 2
जिनगी बनगे तमाशा मोर, एक तोरे बस आशा वो शीतला दाई
गाँव के देहरी माँ बैठे के दाई, आरो सब के लेथस वो शीतला दाई
अब का होगे तै नई आवास, गलती क्षमा कर देबे वो शीतला दाई
मोरो तै काज बनादे सुख, के तै रस्ता देखादे 2
अब नई सहावय पीरा वो, मैं तोर राजा हीरा वो शीतला दाई
जिनगी बनगे तमाशा मोर, एक तोरे बस आशा वो शीतला दाई
✍ लेखक: जितेश्वरी सिन्हा
🎤 प्रस्तुतकर्ता: Sundrani
