शारद मोर सती मां महिमा तोर हावय वो अपार-पारंपरिक

मुखड़ा

शारद मोर सती मां, महिमा तोर हावय वो अपार॥2॥

--

🔸 अंतरा 🔸

1/-कौन नगर तोर अनमन जनमन, वो अनमन

जनमन, शारद मोर सती मां,

कांहवा लिये वो अवतार, शारद मोर सती मां,

कांहवा लिये वो अवतार॥

गढ़ हिंगलाज तोर अनमन जनमन, वो

अनमन जनमन, शारद मोर सती मां,

मनीकपुरी में अवतार, शारद मोर सती मां,

मनीकपुरी में अवतार॥

शारद मोर सती मां, महिमा तोर हावय वो अपार 2

2/-काहे के पतिया में नेरवा छिनत हे, वो नेरवा

छिनत हे, शारद मोर सती मां,

काहे जल करे स्नान, शारद मोर सती मां,

काहे जल करे स्नान॥

सोने के पतिया में नेरवा छिनत हे, वो नेरवा

छिनत हे, शारद मोर सती मां,

गंगाजल करे स्नान, शारद मोर सती मां,

गंगाजल करे स्नान॥

शारद मोर सती मां, महिमा तोर हावय वो अपार 2

3/-कोने महिना तोर मंगनी अउ जंचनी, वो

मंगनी अउ जंचनी, शारद मोर सती मां,

कोने महिना रचे तोर बिहाव, शारद मोर सती

मां, कोने महिना रचे तोर बिहाव॥

माघ महिना तोर मंगनी अउ जंचनी, वो

मंगनी अउ जंचनी, शारद मोर सती मां,

फागुन मा रचे तोर बिहाव, शारद मोर सती

मां, फागुन मा रचे तोर बिहाव॥

शारद मोर सती मां, महिमा तोर हावय वो अपार 2

4/-कोरा में पाये पाये, भांवर किजारे वो भांवर

किजारे शारद मोर सती मां,

पर्रा में लगिन धराय, शारद मोर सती मां, पर्रा

में लगिन धराय॥

चैत महिना तोर गवना पठोनी, वो गवना

पठोनी, शारद मोर सती मां,

वैशाख मा गवना कराय, शारद मोर सती मां,

वैशाख मा गवना कराय॥

शारद मोर सती मां, महिमा तोर हावय वो अपार 2

5/-काकर संग रहिबे, काकर संग खेलिबे,

काकर संग खेलिबे, शारद मोर सती मां,

काकर संग रहिबे मन बांध, शारद मोर सती

मां, काकर संग रहिबे मन बांध॥

सास संग रहिबे, ननंद संग खेलिबे, ननंद

संग खेलिबे, शारद मोर सती मां,

देवर संग रहिबे मन बांध, शारद मोर सती मां,

देवर संग रहिबे मन बांध॥

शारद मोर सती मां ,महिमा तोर हावय वो अपार॥2॥