सन्झा के आरती उतारव मोर आदि भवानी

सन्झा के आरती उतारव मोर आदि भवानी

सन्झा के आरती उतारव हो माँ

हाँ उतारव मइया सन्झा के आरती हो माँ

सुरहीन गइया के मइया गोबर मंगा के

आरी बारी अंगना लिपये चऊक पुराके

सोने के कलशा मड़ावव मोर आदि भवानी

सन्झा के आरती उतारव हो माँ

धरे गंगाजल मइया निर्मल पानी

पान सुपारी नरियर अगर कपूर अऊ बाती

कंचन थारी सजावव मोर आदि भवानी

सन्झा के आरती उतारव हो माँ

अगर चंदन लकड़ी के दाई आसन तोर बनावव

चम्पा चमेली केकती केंवरा के हार तोर बनावव

फूल दमसत के चढ़ावव मोर आदि भवानी

सन्झा के आरती उतारव हो माँ

नर-नारी मन तोला मना के भाग अपन संहुरावव

मन मंदिर म जोत जलाके अपनो आस पुराये

ये श्रद्धा के जोत जलावव मोर आदि भवानी

सन्झा के आरती उतारव हो माँ

सेवक मन हर सेवा बजाके आशीष तोर पावय

भार भरोसा तोरे हे माता अलहन झन आये

निशदिन सेवा ल बजावव मोर आदि भवानी

सन्झा के आरती उतारव हो माँ

सन्झा के आरती उतारव मोर आदि भवानी

सन्झा के आरती उतारव हो माँ

हाँ उतारव मइया सन्झा के आरती हो माँ