रूखवा लगाए सतनाम के हो
रूखवा लगाए सतनाम के हो
रूखवा लगाए सतनाम के
मोर गुरू बाबा
डारा खांधा बगरे सतनाम के हो
डारा खांधा बगरे सतनाम के
धरम करम के गुरू डारे तैं पानी गा
जगह जगह गड़े हे तोरे निशानी गा
बड़े बिचित्तर हे तोर कहानी गा
कईथे बड़े बड़े संत सुजानी गा
छाए हे महिमा तोरे नाम के हो
छाए हे महिमा तोरे नाम के
मोर गुरू बाबा
डारा खांधा बगरे सतनाम के हो
डारा खांधा बगरे सतनाम के
तोर लगाए सतनाम के छांया गा
उही छांया म सुख पाथे ए काया गा
सतनाम के बिना बिरथा मोह माया गा
बिना सतनाम के जग लागे पराया गा
दिए निशानी जैतखाम के हो
दिए निशानी जैतखाम के
मोर गुरू बाबा
डारा खांधा बगरे सतनाम के हो
डारा खांधा बगरे सतनाम के
रूखवा लगाए सतनाम के हो
रूखवा लगाए सतनाम के
मोर घासी बाबा
डारा खांधा बगरे सतनाम के हो
डारा खांधा बगरे सतनाम के
हो डारा खांधा बगरे सतनाम के
हो डारा खांधा बगरे सतनाम के
✍ लेखक: दुकालू यादव
🎤 प्रस्तुतकर्ता: ABHISHEK MUSIC WORLD
