रण गरजे वो काली रण में रंगझाझर मचाये

मुखड़ा

रण गरजे वो काली,रण में रंगझाझर मचाये 2

यहो पानी बुड़े, कोनो ला नई बचाये....

रण गरजे वो काली,रण में रंगझाझर मचाये 2

अंतरा 1/

यहो बरदी के बरदी भूतवा ला देखत, काली

झपट के कूदे 2

काली झपट के कूदे....

अंतरा 2/

यहो कोरी कोरी भुतवा ला धरी धरी

खाये,तन के नई हे सुधे 2

तन के नई हे सुधे...

ऐहो कतको खाये, तभो ले नई अघाये....

रण गरजे वो काली रण में रंगझाझर मचाये 2

अंतरा 3/

यहो कतको ला खाये कतको ला खुंदे,लादी

पोटा छरियाये 2

लादी पोटा छरियाये....

अंतरा 4/

यहो मांस के गैरी हा माते, जोगिनी चित चित

खाये 2

जोगिनी चित चित खाये....

यहो कलर कलर, काली हा कलकलाये....

रण गरजे वो काली,रण में रंगझाझर मचाये 2

अंतरा 5/

यहो किटकिट किटकिट दांत ला पिसे,

रनबन रनबन झुपे 2

रनबन रनबन झुपे...

अंतरा 6/

यहो काली के रूप ला देखके देवता,बैठे काले

चुपे 2

बैठे काले चुपे...

यहो देवता के ,बनौखी ला बनायें.....

रण गरजे वो काली,रण में रंगझाझर मचाये 2

अंतरा 7/

यहो बांचे खोंचे जी धरके भागे,खोजें नैई

मिले एको जन 2

खोजें नैई मिले एको....

अंतरा 8/

यहो प्रलय रुप ला देखत देवता,शिव ला कहे

जा छेंको 2

शिव ला कहे जा छेंको....

यहो कोई हा नई बाचन गोहरायें......

रण गरजे काली ,रण में रंगझाझर मचाये 2

अंतरा 9/

यहो बीच रावन में शिवजी हा सुतगे, काली

आके झपाये 2

काली आके झपाये....

अंतरा 10/

यहो खडग खप्पर त्रिशूल धरे,लफ लफ

जीभीया लमाये 2

लफ लफ जीभिया लमाये...

यहो परमानंद कठोलिया हा दरश पाये....

रण गरजे वो काली,रण में रंगझाझर मचाये 2