निंबुआ के धरम के दुआर हो माया

निंबुआ के धरम के दुआर हो माया,

निंबुआ के धरम के दुआर हो माय

बर अगुआए पिपर पछूआए हो...

निंबुआ के धरम के दुआर हो माया,

निंबुआ के धरम के दुआर हो माय

निंबुआ के तीरे तीरे गड़े हे हिन्डोलना हो...

लाखो आये हो लाखो जाय हो माया,

लाखो आये हो लाखो जाय हो माय

यहो कौने माई झूले, कौने झूलाये हो..,

कौन माई देखे  ला आय हो माया,

कौन माई देखे  ला आय हो माय

बूढ़ी माई झूले, लंगूरे झूलाये हो..,

सबो माई देखे ला आये हो माया,

सबो माई देखे ला आये हो माय

झूलना झूलावत मोर बईहां पिरागे हो...

नयना जागे हो सारी रात हो माया,

नयना जागे हो सारी रात हो माय

बईहां पिरागे लंगूरे हरदी धराये हो...

नयना मा कजारा अंजाय हो माया,

नयना मा कजारा अंजाय हो माय

पांच भगत मिल तोरे जस गए हो..

जय जय जय गोहराय हो माया,

जय जय जय गोहराय हो माय

बर अगुआए पिपर पछूआए हो...

निंबुआ के धरम के दुआर हो माया,

निंबुआ के धरम के दुआर हो माय