माता के अंगना मा तुलसी के बिरवा वो

मुखड़ा

ये माता के अंगना मा तुलसी के बिरवा वो,

तुलसी फुलय वो आधी रात हो मां।

मैया तुलसी फुलय वो आधी रात हो मां…

ऐ मोर मैया… तुलसी फुलय वो आधी रात हो मां ॥2॥

--

अंतरा 1

ये लिख-लिख पतिया, तोला मैं भेजायेव वो,

शंकर के बेटा चले आवय हो मां ॥2॥

ऐ मोर मैया… शंकर के बेटा चले आवय हो मां ॥2॥

ऐ शंकर हा आवय मैया, गौरी ला लावय वो,

आंगन मा डमरु बजावय हो मां ॥2॥

ऐ मोर मैया… आंगन मा डमरु बजावय हो मां ॥2॥

--

अंतरा 2

ये लिख-लिख पतिया, तोला मैं भेजायेव वो,

ब्रह्मा के बेटा चले आवय हो मां ॥2॥

ऐ मोर मैया… ब्रह्मा के बेटा चले आवय हो मां ॥2॥

ऐ ब्रह्मा हा आवय मैया, सरस्वती ला लावय वो,

आंगन मा वीणा ला बजावय हो मां ॥2॥

ऐ मोर मैया… आंगन मा वीणा ला बजावय हो मां ॥2॥

--

अंतरा 3

ये लिख-लिख पतिया, तोला मैं भेजायेव वो,

बिष्णु के बेटा चले आवय हो मां ॥2॥

ऐ मोर मैया… बिष्णु के बेटा चले आवय हो मां ॥2॥

ऐ बिष्णु हा आवय मैया, लक्ष्मी ला लावय वो,

आंगन मा चक्र चलावय हो मां ॥2॥

ऐ मोर मैया… आंगन मा चक्र चलावय हो मां ॥2॥

--