मईया जी लाने परघाय मोर माता

मईया जी लाने परघाय मोर माता

मईया जी लाने परघाय हो माँ

हे साते सुवासिन मईया पांच बजनिया वो

मईया जी लाने परघाय मोर माता

मईया जी लाने परघाय हो माँ

हे सुरहीन गईया के गोबर मंगायेव

खुट धरी अंगना लिपायेव मोर माता

खुट धर अंगना लिपायेव ना

हे गज मोतियन के मैं चउक पुरायेव

सोने कर कलशा जलायेव मोर माता

सोने कर कलशा जलायेव ना

हे चन्दन पिढ़होलिया के बैठक दियेव वो

भव भव आरती उतारेव मोर माता

भव भव आरती उतारेव ना

हे कपिलन गईया के गोबर मंगायेव

मईया जी के चरण पखारेव मोर माता

मईया जी के चरण पखारेव ना

हे चरण पखारेव चरण अमृत लेव

दंड़ा वो सरन पईया लागेव मोर माता

दंड़ा वो सरन पईया लागेव ना

हे सेवा नई तो जानेव माता पूजा नई तो जानेव

नई तो जानेव मरम तुम्हारे मोर माता

नई तो जानेव मरम तुम्हारे माँ

हे हाथ जोड़े जोड़े मईया बिनती करत हव

जाईके जुड़ावव हिंगुलाजे मोर माता

जाईके जुड़ावव हिंगुलाजे ना