ये लंगुरे खोजन बर हो...
मुखड़ा :
ये लंगुरे खोजन बर हो...
अब चलय महामाई लंगुरे खोजन बर हो ॥2॥
हां अब चलय भवानी लंगुरे खोजन बर हो ॥2॥
--
अंतरा :
1.
ये डोंगरी ला खोजय देवी, पहरी ला खोजय,
खोजय सेव पहारे ॥2॥
2.
ये नदिया ला खोजय देवी, नरवा ला खोजय,
खोजय अगम दहारे ॥2॥
(दोहराव)
ये लंगुरे खोजन बर हो...
अब चलय महामाई लंगुरे खोजन बर हो ॥2॥
--
3.
ये बगिया ला खोजय देवी, फूलवा ला खोजय,
खोजय डारा-डारा पाने ॥2॥
4.
ये बांसे भीरा मा भैया बैठय लंगुरवा,
धरे हे बसोड़वा के रूपे ॥2॥
--
ये जेला देखी पावत हैं गा...
मोर माता भवानी जेला देखी पावत हैं गा ॥2॥
--
5.
ये न तो भवानी भाव देखय लंगुरवा ला,
लंगुरे नवावय माथे ॥2॥
6.
ये जब मुख बोलथे केवल भवानी गा,
सुन लंगुरे मोर बाते ॥2॥
--
(दोहराव)
ये लंगुरे खोजन बर हो...
अब चलय महामाई लंगुरे खोजन बर हो ॥2॥
--
7.
ये यही गरब मा राहय लंकापति रावण,
बीस भुजा दस माथे ॥2॥
8.
ये सोने के लंका माटी मा मिलगे लंगुरे,
समुद कुदे हनुमाने ॥2॥
--
(दोहराव)
ये लंगुरे खोजन बर हो...
अब चलय भवानी लंगुरे खोजन बर हो ॥2॥
--
9.
ये गरबी के गरब नवावय भैया लंगुरे,
तपसी के टोरय गुमाने ॥2॥
--
ये देवी ला मनावत हय गा...
मोर भैया लंगुरवा देवी ला मनावत हय गा ॥2॥
--
10.
ये नंदन बन ले चंदन मंगावय गा,
गंगा-जमुना ले जल नीरे ॥2॥
11.
ये घोरी-घोरी चंदन देवी ला चढ़ावय गा,
डंडा शरण टेक पांवें ॥2॥
--
(समापन)
ये देवी ला मनावत हय गा...
मोर भैया लंगुरवा देवी ला मनावत हय गा ॥2॥
--
✍ लेखक: Gulaba devi khare
🎤 प्रस्तुतकर्ता: P.D.M. परी दर्वे म्यूजिक
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics