लहराये जंवारा लहरे लहरे मनभावन -मनहरण साहू,पंचु यादव

🌿 मुखड़ा :

लहराये जंवारा, लहरे लहरे मनभावन (2)

वो जगमग ज्योति बरे सुहावन (2)

लहरे लहरे मनभावन…

लहराये जंवारा, लहरे लहरे मनभावन (2)

🌿 अंतरा 1 :

ये प्रीत लगायेव, देवता गोंहारेव, जंतर-मंतर मारेव,

नवदुर्गा एक्कीश बहिनी, दस महाविद्या जोहारेव।

ये दस महाविद्या जोहारेव हो मैया (2)

नवदुर्गा एक्कीश बहिनी, दस महाविद्या जोहारेव।

🌿 अंतरा 2 :

ये हाथ जोड़ के देवता नेवतेव, अखंड ज्योति ला बारेव,

तोरण पताका अंगना में छायेव, मड़ाई बरग सम्हरायेव।

ये मड़ाई बरग सम्हरायेव हो मैया (2)

तोरण पताका अंगना में छायेव, मड़ाई बरग सम्हरायेव।

ये सेवुक सेवा ला घटकाये… (2)

लहरे लहरे मनभावन…

लहराये जंवारा, लहरे लहरे मनभावन (2)

🌿 अंतरा 3 :

ये नेम धेम जप पूजा पाठ, कर अठवारी ला चढ़ायेव,

कई हजारे भैंसा बोकरा, सुमन सुपारी मनायेव।

ये सुमन सुपारी मनायेव हो मैया (2)

कई हजारे भैंसा बोकरा, सुमन सुपारी मनायेव।

🌿 अंतरा 4 :

ये काचा लिमुवा के बलि चढ़ायेव, मंतर जंतर मारेव,

कारी पिवरी चांउर भारेव, बाणा ला सम्हरायेव।

ये बाणा ला सम्हरायेव हो मैया (2)

कारी पिवरी चांउर भारेव, बाणा ला सम्हरायेव।

वो चढ़े देवता लगे अति आनंद… (2)

लहरे लहरे मनभावन…

लहराये जंवारा, लहरे लहरे मनभावन (2)

🌿 अंतरा 5 :

ये अपने मंडप ले निकले भवानी, बैरी अब नई बाचे,

लहर लहर लहराये जंवारा, बैगिन बोहे नाचे।

ये बैगिन बोहे नाचे हो मैया (2)

लहर लहर लहराये जंवारा, बैगिन बोहे नाचे।

🌿 अंतरा 6 :

वो लफलफ लफलफ जोत हा करे, बैगा कांछन कांछे,

सेवुक सेवा पचरा ला गाये, रंग झांझर मन नाचे।

ये रंग झांझर मन नाचे हो मैया (2)

सेवुक सेवा पचरा ला गाये, रंग झांझर मन नाचे।

ये सबो ले आघु लंगुरे अघवावय… (2)

लहरे लहरे मनभावन…

लहराये जंवारा, लहरे लहरे मनभावन (2)

🌿 अंतरा 7 :

ये भेट करे शीतला माता के, एक्कीश बहिनी दाई,

छै महिना बछर भर में, मिलन होथे महामाई।

ये मिलन होथे महामाई हो मैया (2)

छै महिना बछर भर में, मिलन होथे महामाई।

🌿 अंतरा 8 :

हो मान गउन ला पाके माता, अपने भुवन मा जाई,

कोनो किसम अलहन झन आवै, भार तोला हे माई।

ये भार तोला हे माई हो मैया (2)

कोनो किसम अलहन झन आवै, भार तोला हे माई।

वो परमानंद कठोलिया गुन गुन… (2)

लहरे लहरे मनभावन…

लहराये जंवारा, लहरे लहरे मनभावन (2)