जमुना के तट मा चंदन एक बिरवा हो मां -जंतराम ध्रुव

--

🎵 मुखड़ा :

जमुना के तट मा चंदन एक बिरवा हो मां,

डारा फैले हे चहूं फेरा हो मां (2)

ये मैया वो डारा फैले हे चहुं फेरा हो मां (2)

--

🎶 अंतरा :

ये एक डारा गये वो मैया रैया वो रतनपुर,

एक डारा गये हिंगुलाज हो मां (2)

ये मैया वो एक डारा गये हिंगुलाज हो मां (2)

ये कामा बनाबो वो मैया रैया वो रतनपुर,

कामा बनाबो हिंगुलाज हो मां (2)

ये मैया वो कामा बनाबो हिंगुलाज हो मां (2)

ये माटी बनाबो वो मैया रैया वो रतनपुर,

पथरा बनाबो हिंगुलाज हो मां (2)

ये मैया वो पथरा बनाबो हिंगुलाज हो मां (2)

ये कामा छवाबो वो मैया रैया वो रतनपुर,

कामा छवाबो हिंगुलाज हो मां (2)

ये मैया वो कामा छवाबो हिंगुलाज हो मां (2)

ये खदर छवाबो वो मैया रैया वो रतनपुर,

खपरा छवाबो हिंगुलाज हो मां (2)

ये मैया वो खपरा छवाबो हिंगुलाज हो मां (2)

ये कामा पोताबो वो मैया रैया वो रतनपुर,

कामा पोताबो हिंगुलाज हो मां (2)

ये मैया वो कामा पोताबो हिंगुलाज हो मां (2)

ये चंदन पोताबो वो मैया रैया वो रतनपुर,

बंदन पोताबो हिंगुलाज हो मां (2)

ये मैया वो बंदन पोताबो हिंगुलाज हो मां (2)

ये ऊंचे सिंहासन मोर बैठे जगतारण वो,

डंडा वो शरण पैया लांगव हो मां (2)

ये मैया वो डंडा शरण पैया लांगव हो मां (2)

ये पांच भगत मिल तोरे जस गायेव वो,

आये हांवव शरण तुम्हारे हो मां (2)

ये मैया वो आये हांवव शरण तुम्हारे हो मां (2)

ये बालक बरुआ वो मैया कछु नई जानेव वो,

कांटव मोर जनम के अपराध हो मां (2)

ये मैया वो कांटव मोर जनम के अपराध हो मां (2)

--