दुनिया वाले जानो हम तो आदिवासी आन
जे हर रखे तीर कमान
दुनिया वाले जानो
हम तो आदिवासी आन
जंगल के रखइया
महुहा के बिनईया
तेंदू आवरा लासा
भोंडू फुटू के टोरईया
हमर जंगल हे शान
दुनिया वाले जानो
हम तो आदिवासी आन
जे हर रखे तीर कमान
दुनिया वाले जानो
हम तो आदिवासी आन
हल्बी, गोंडी, छत्तीसगढ़ी
रिलो गीत गाथन
तुर्रा सिंग बाजा बजाके
तिहारी मनाथन
आंगादेव, बुढादेव के
हमन हन पुजारी
सीधा साधा मनखे
बुता सेवा अउ जोहारी
हमर बस्तर महान
दुनिया वाले जानो
हम तो आदिवासी आन
जे हर रखे तीर कमान
दुनिया वाले जानो
हम तो आदिवासी आन
जंगल, पहाड़ी, झरना
गुफा हवय बस्तर म
घाट, डोंगरी, नदिया
दंतेश्वरी हवय बस्तर म
इहा के बाजार घुमे
दुनिया भर के आवत हे
बस्तर के बाँस कला
दुनिया म छावत हे
हमर इही पहिचान
दुनिया वाले जानो
हम तो आदिवासी आन
जे हर रखे तीर कमान
दुनिया वाले जानो
हम तो आदिवासी आन
दुनिया वाले जानो
हम तो आदिवासी आन
✍ लेखक: हिरेश सिन्हा
🎤 प्रस्तुतकर्ता: -
