गुरू मोर बाबा मोर सत के अंजोर

गुरू मोर बाबा मोर सत के अंजोर

ये बरत हावै अंगना म बाबा मोर

जगमग दीया हा तोर

गुरू मोर बाबा मोर सत के अंजोर

मन म रमे हस तन म रमे हस

बांटे सब ल बाबा सत रूपी तैं रस

तोर महिमा हा छाए हे चारो ओर

गुरू मोर बाबा मोर सत के अंजोर

मनखे समाज बर करे तैं हा जोखा

जोन तोर रसदा म खाए नही धोखा

गुरू भक्ति के बांधे बाबा सुग्घर तैं डोर

गुरू मोर बाबा मोर सत के अंजोर

राखे हावौं पिढ़ली आसन बिछा के

देखे बर तोला बाबा नैना मोर ताके

येदे कांतिकार्तिक अउ नंदगइहा के लेले गुरू सोर

गुरू मोर बाबा मोर सत के अंजोर

गुरू मोर बाबा मोर सत के अंजोर

ये बरत हावै अंगना म बाबा मोर

जगमग दीया हा तोर

गुरू मोर बाबा मोर सत के अंजोर