गवैया होते त गवातेंव तोला वो नचैया होते त नचातेंव रे
गवैया होते त गवातेंव तोला वो
नचैया होते त नचातेंव रे
अरे सगा होते त तोला रे टूरी
बिहा लेतेंव वो
बारह बछर म गुवालिन चेहरा
सोला बछर म परेतिन वो
तोर मया म मैं ठाड़ सुखागेंव
घर घर चलत हे रेगिंग वो
हंसैया होते त हंसातेंव तोला वो
रोवैया होते त रोवातेंव रे
अरे सगा होते त तोला रे टूरी
बिहा लेतेंव वो
तोला बलावत हे बईगा गुनिया
सिंघी अउ दीया जला के वो
आधा रात के सुपा घोसत हे
तीन तीन दम लगा के वो
देखैया होते त देखातेंव तोला रे
रसईया होते त रसातेंव रे
अरे सगा होते त तोला रे गोरी
बिहा लेतेंव वो
हवा म उड़त हे टूरी कपटीन
टूरन के जीव ल जला के वो
मीठ बोली म ये जहर घोरत हे
चेहरा चंडी सजा के वो
बलईया होते त बलातेंव तोला वो
मनैया होते त मनातेंव रेे
अरे सगा होते त तोला रे टूरी
बिहा लेतेंव वो
गवैया होते त गवातेंव तोला वो
नचैया होते त नचातेंव रे
अरे सगा होते त तोला रे टूरी
बिहा लेतेंव वो
✍ लेखक: -
🎤 प्रस्तुतकर्ता: -
