इस लिरिक्स का आनंद ले हमारे मोबाइल एप्प के साथ!
ए नंदा जाही का रे
नंदा जा ही का रे
नंदा जा ही का
नंदा जाही का रे ,
नंदा जा ही का रे ,
नंदा जा ही का
नंदा जाही का रे ,
नंदा जा ही का रे ,
नंदा जा ही का
कमरा अउ खुमरी अरई-तुतारी
अ र र र र त त त छो……
होत बिहनिया पखरा के आगी
टेड़गा हे चोंगी टेड़गा हे पागी
नुई झूले जस गरकस माला
धरे कसेली दउड़त हे ग्वाला
टेड़गा लेउड़ी ल बांखा दबाए
बंसी के धुन मा धेनु चरइया नन्दा जाही का..
कमरा अउ खुमरी अरई-तुतारी
अ र र र र त त त छो…….
रचरच मचमच गेंड़ी मचईया
गांव गली म पँड़की नचईया
मांदर के थाप म राहस रचाये
पंथी के धुन ल गाए बजाए
गांव के लीला, चाऊंर के चीला
मेला मड़ई म ढेलवा झुलईया
नन्दा जाही का…
कमरा अउ खुमरी, अरई-तुतारी
अ र र र र त त त छो…
जिमिकान्दा, कनसईया उसनागे
लेड़गा बरी के बनईया नंदागे
दार के पीठी, अदौरी बरी ल
चेंच भाजी संग धरे जोड़ी ल
मही बिलोये, पठोये, मंगाए
डुबकी कढ़ी के रंधईया
नंदा जाही का…
नंदा जाही का रे ,नंदा जाही का रे
नंदा जाही का
कमरा अउ खुमरी, अरई-तुतारी
अ र र र र त त त छो…….
टेंड़ा बारी के टेंड़ा टेंड़ईया
घेंच म घांटी घुंघरू बंधईया
गोल्लर दउड़ै खावै अघावै
हरहा मरहा ल कोनो नई भावै
का मेड़वारी के घानी मुंदी म
गाए ददरिया दौरी खेदईया
नंदा जाही का….
ए नंदा जाही का रे, नंदा जाही का रे
नंदा जाही का
कमरा अउ खुमरी, अरई-तुतारी
अ र र र र त त त छो…….
✍ लेखक: -
🎤 प्रस्तुतकर्ता: swanpil studio
हमारे मोबाइल ऐप के साथ छत्तीसगढ़ी लिरिक्स का आनंद लें
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics
