ए हो महामाई कैसे के गुन तोर गांव

हो ए हो महामाई कैसे के गुन तोर गांव

हो ए हो जगजननी कैसे के गुन तोर गांव

हो ए हो आया कैसे के गुन तोर गांव

हो ए हो महामाई कैसे के गुन तोर गांव

जब महिसासुर के बाढ़े पाप, तब देवता मन हा करे संताप

पापी ला देख के सब थर्राय, ए कोन हा आये अऊ कोन बचाए

ए अधम पापी हे वरदानी, तेकरे ले तो करे मनमानी

अहो भवानी तै कल्याणी, जगतारण शिव के पटरानी

यहो रूद्र दुलारी घोर कराली, तोरे अचरा के मांगव छाव

हो ए हो आया कैसे के गुन तोर गांव

हो ए हो महामाई कैसे के गुन तोर गांव

हो सकल चराचर तै हा सजाबे, पापी मन सब देख के कापे

घोर घोर महा घोर स्वरूपा, आदि अनादी अनंत अनूपा

हरिहर अऊ ब्रम्हा कर जोरे, तोर संग बांधे आस के डोरी

तिरसुल, वेद, सुदर्सन धरके, क्रोध मा माता बिकट के गरजे

यहो सिंघनाद ले धरती कापे, धर डंका एक कोस तोर पाँव

हो ए हो आया कैसे के गुन तोर गांव

हो ए हो महामाई कैसे के गुन तोर गांव

अति गुमानी महीसासुर आये, तोर माया ला जान नई पाए

तोला जान के अबला नारी, हास हास के देवय गारी

कारी काया तोर नयन मा लाली, धरके बिकट रूप बिकराली

धर तिरसुल दौड़े महामाया, छिन्न भिन्न कर डारे काया

यहो महिसासुर संघार ला करके, तिन लोक मा माढे तोर पाँव

हो ए हो आया कैसे के गुन तोर गांव

हो ए हो महामाई कैसे के गुन तोर गांव

हो ए हो महामाई कैसे के गुन तोर गांव

हो ए हो जगजननी कैसे के गुन तोर गांव

हो ए हो आया कैसे के गुन तोर गांव

हो ए हो महामाई कैसे के गुन तोर गांव