डारा ले टुटके पाना गिरे

डारा ले टुटके पाना गिरे देखो भुइयां मा जी 2

डारा होगे सुन्ना ना ये पाना के बिना ना 2

डारा ले टुटके पाना गिरे देखो भुइयां मा जी 2

नई आवय बडोरा थोरको पानी बादर नई आवय जी

पानी बादर नई आवय जी

नई दिखे बर पाना के फेर काबर अलगावय जी

फेर काबर अलगावय जी

एला गुनव जानव ना मोला देहु बतावव ना 2

डारा ले टुटके पाना गिरे देखो भुइयां मा जी 2

सरग के उड़इया का अऊ महल के रहईया जी

महल के रहईया जी

हाथी के चढ़इया का अऊ पैडगरी रेंगइया जी

पैडगरी रेंगइया जी

का राजा परजा न सबके एके दशा ना 2

डारा ले टुटके पाना गिरे देखो भुइयां मा जी 2

नई हे इहां उमर कोनो माटी मा मिल जाही जी

माटी मा मिल जाही जी

जईसे बिधाता भेजही आही जाही जब बलाही जी

जाही जब बलाही जी

चंदा सुरुज उगे ना ओकर केहे ले बुडे ना 2

डारा ले टुटके पाना गिरे देखो भुइयां मा जी 2

सबो पंतग के डोरी हावे एके झन के हाथे मा जी

एके झन के हाथे मा जी

जईसे उड़ाथे तईसे उड़थे ओकर सब हाथे मा जी

ओकर सब हाथे मा जी

सब खिलौना माटी के ना चले दू चार दिन न 2

डारा ले टुटके पाना गिरे देखो भुइयां मा जी 2

डारा होगे सुन्ना ना ये पाना के बिना ना 2

डारा ले टुटके पाना गिरे देखो भुइयां मा जी 2