तोला बंदव वो बस्तर के दाई दंतेसिरी - जस गीत

छत्तीसगढ़ के कन्हार माटी पिवरा रंग मटासी हे

गुरमटिहा के मोटहा चांउर जेमा मिठाथे बासी हे

साग म जईसे जिमि कांदा अमसुरहा कड़ही हे

अईसे हमर महतारी

जेखर बोली छत्तीसगढ़ी हे

जेखर बोली छत्तीसगढ़ी हे

मोर छत्तीसगढ़ महतारी तोर चरण म माथ नवाव

जनम जनम म अंछरा के मया ला मैं लमावव

उत्तर म गुरूदगढ़ माई दक्षिण मा दंतेश्वरी

पूरब पश्चिम चन्द्रहासिनी बमलेश्वरी दाई

सुमिरौ बस्तर के दंतेसिरी दाई

जय हो जय हो जय हो जय हो

दंतेसिरी दाई जय हो

तोला बंदव वो बस्तर के दाई दंतेसिरी

तोला सुमिरौ वो दंतेवाड़ा के दंतेसिरी

#

सती अंग ले दांत हा गिर के दंतेश्वरी नाम परगे ओ

तोर मया के छांव मा दाई दंतेवाड़ा हा बसगे ओ

परौ पौरी दाई परौ पौरी

ऐ परौ पौरी दाई परौ पौरी

तोला बंदव वो बस्तर के दाई दंतेसिरी

तोला सुमिरौ वो दंतेवाड़ा के दंतेसिरी

प्रवीरचंद भंजदेव राजा ला एक दिन सपना देखाऐ ओ

उही दिन ले भंजदेव राजा दंतेश्वरी ला मनाऐ ओ

हे ईश्वरी दाई हे ईश्वरी

हां हे ईश्वरी दाई हे ईश्वरी

तोला बंदव वो बस्तर के दाई दंतेसिरी

तोला सुमिरौ वो दंतेवाड़ा के दंतेसिरी

#

खैरा बोकरा अऊ भइस्सा के राजा हा बली चघाऐ ओ

परसन हो के दंतेश्वरी माँ राजा ला दरस देखाऐ ओ

महिमा भारी दाई महिमा भारी

ये महिमा भारी दाई महिमा भारी

तोला बंदव वो बस्तर के दाई दंतेसिरी

तोला सुमिरौ वो दंतेवाड़ा के दंतेसिरी

संझा बिहिनिया तोर डेहरी मा मांगे बर आथे मन्नत ओ

तोर किरपा ले दास कोसरिया जियत जियत पागे जन्नत ओ

तोर दुआरी दाई तोर दुआरी

हा तोर दुआरी दाई तोर दुआरी

तोला बंदव वो बस्तर के दाई दंतेसिरी

तोला सुमिरौ वो दंतेवाड़ा के दंतेसिरी

ऐ दंतेसिरी दाई दंतेसिरी

ऐ दंतेसिरी दाई दंतेसिरी

#

तोला बंदव वो बस्तर के दाई दंतेसिरी

तोला सुमिरौ वो दंतेवाड़ा के दंतेसिरी