ये चंदवा बैगा जांजगीर के चंदवा बैगा गा

चंदवा बैगा गा

ये चंदवा बैगा

ये चंदवा बैगा जांजगीर के चंदवा बैगा गा

नीम के सांटी मार के बैगा भूत भगावै गा

ये धूप देखावै लिंबु काटै चंदवा बैगा गा

दे सड़ासड़ दे सड़ासड़

दे सड़ासड़ दे सड़ासड़

मारे बैगा गा

हे नींम के साटी मार के बैगा भूत भगावै गा

ये चंदवा बैगा जांजगीर के चंदवा बैगा गा

नीम के सांटी मार के बैगा भूत भगावै गा

#

कोन अस तै हर कहा ले आये जल्दी नाम बता दे

चुन्दी ला धर के पुछे बईगा जाबे के नई जाबे

हे बारै बाती मारै साटी अउ समझावै गा

हे मंतर मार के चंदवा बैगा भूत भगावै गा

तै कोन अस रे मोर पुछईया तोला करबर बताहूं

लपर लपर करबे त लपरहा तहूं ला सउघे खाहूं

हे नाव बतावै चंदवा बैगा अउ चिल्लावै गा

जय काली महाकाली बोलै चंदवा बैगा गा

#

जय काली कलकत्ता वाली

तोर वचन ना जाए खाली

दाई जल्दी आ

झट कुन आ दाई

देख तोर भक्त के

तोर सेवक के वचन झन जाए खाली

देखत हस ऐ हा कईसे कहत हे

मोला खाहूं कहत हे

आ दाई जल्दी का के अलाय बलाय ला टार

ये हा जिहा ले आये हे ना उहेच ऐला बिदार

#

बैगा उपर दाई आ के भूत के उपर बैगा

हे नाव ला सुन के थर थर कांपे भूत के होगे सईता

पुछिस गुनी बईगा चंदवा

बोल तै कईसे जाबे भूतवा

भूतवा बोलिस

ये जांजगीर के बाबा चंदवा जनम जनम बन भटको भूतवा

बाबा मोर उद्धार करा दे भव सागर ले पार करा दे

बईगा पुछिस कईसे

भूतवा बोलिस अईसे

पेड तरी मोर हाडा ओला महानदी मा सरादे

धुकी दाई के दुलरू चंदवा मुक्ति मोला देवादे

तभे मै जाहूं कभु नई आहूं चंदवा बैगा गा

फेर कोना ला नई सताहूं चंदवा बैगा गा

जावत हौ मै जावत हौ मै चंदवा बैगा गा

जुग जुग जग मा नाम रही तोर चंदवा बैगा गा

धन धन दुलरू जांजगीर के चंदवा बैगा गा

जुग जुग जग मा नाम रही तोर चंदवा बैगा गा

#

जा जा जा

पा लागी गा