चले आबे वो मैया अंगना मा मोर चले आबे भवानी अंगना मा मोर
LYRICG मोबाइल एप्प
इस लिरिक्स का आनंद ले हमारे मोबाइल एप्प के साथ!
चले आबे वो मैया अंगना मा मोर,
चले आबे भवानी अंगना मा मोर।
ये सोलह सिंगार करके, लाली चुनरिया ओढ़े (2)
चले आबे वो मैया अंगना मा मोर,
चले आबे भवानी अंगना मा मोर।
आवत अंगना बटोरंव मैया मोर गंगाजल
छिड़काहंव वो, गंगाजल छिड़काहंव।
चंदन पिड़ुली मा बैठे ला देवंव, जमुना पांव
पखारंव वो, जमुना पांव पखारंव।
चले आबे वो मैया अंगना मा मोर,
चले आबे भवानी अंगना मा मोर
कंचन थाली मा नारियल धरके, सुंदर
आरती उतारंव वो, सुंदर आरती उतारंव।
पारा पड़ोसिन सखियां बलाके, मंगल गीत
ला गांवव वो, मंगल गीत ला गांवव।
चले आबे वो मैया अंगना मा मोर,
चले आबे भवानी अंगना मा मोर।
पंचामृत के भोग लगाके, गैया के दूध
पिलावंव वो, गैया के दूध पिलावंव।
पलंग बिछौना में बैठे ला देंहंव, बीरा पान
खवावंव वो, बीरा पान खवावंव।
चले आबे वो मैया अंगना मा मोर,
चले आबे भवानी अंगना मा मोर।
सिर में सेंंदूर लगे वो मैया, मस्तक बिंदिया
सोहे वो, मस्तक बिंदिया सोहे।
नाक में नथली सोहे मैया, तीनों लोक ला
मोहे वो, तीनों लोक ला मोहे।
चले आबे वो मैया अंगना मा मोर,
चले आबे भवानी अंगना मा मोर।
कान में करण फूल हा सोहे, अउ गजमुक्ता
के हारे वो, अउ गजमुक्ता के हारे।
माथे मा सुंदर मुकुट हा सोहे, नैना मा काजर
कारी वो, नैना मा काजर कारी।
चले आबे वो मैया अंगना मा मोर,
चले आबे भवानी अंगना मा मोर
हाथ मा हरियर चुड़ी हा सोहे, बांह बहुटिया
चमके वो, बांह बहुटिया चमके।
कमर मा करधन सोहे मैया, नागमणि कस
चमके वो, नागमणि कस चमके।
चले आबे वो मैया अंगना मा मोर,
चले आबे भवानी अंगना मा मोर।
पांव में पैजन खनके वो मैया, चुटकी बिछीया
बाजे वो, चुटकी बिछीया बाजे।
सातों बहिनिया तोरे जस गाये, देव दुलरवा
नाचे वो, देव दुलरवा नाचे।
चले आबे वो मैया अंगना मा मोर,
चले आबे भवानी अंगना मा मोर।
ये सोलह सिंगार करके, लाली चुनरिया ओढ़े (2)॥
चले आबे वो मैया अंगना मा मोर,
चले आबे भवानी अंगना मा मोर।
✍ लेखक: unknown
🎤 प्रस्तुतकर्ता: NICE MUSIC ZONE
LYRICG मोबाइल एप्प
इस लिरिक्स का आनंद ले हमारे मोबाइल एप्प के साथ!
