बर तरी खड़े बरतिया
479 बार देखा गया
बर तरी खड़े बरतिया
बर तरी खड़े हे बरतिया के
नीम तरी खड़े हे कहार
अइसन सईया निरमोहिया
अइसन सईया निरमोहिया के
चलो चलो कहात हे बारात
दाई मोर रोवत हे महल मा
दाई मोर रोवत हे महल मा के
ददा मोर रोवै दरबार
दाई तोर रावै नोनी धर धर
दाई तोर रोवै नोनी धर धर के
ददा तोरे रोवै गंगाधार
भाई के रोवै ले छतिया भींज गे
भाई के रोवै ले छतिया भींज गे
के भौजी के जियारा कठोर
मामी के रोवे ले अचरा भींज गे
मामी के रोवे ले अचरा भींज गे के
ममा मोरे रोवै गौ गोहार
के ददा तोरे रावै गंगाधार के ददा तोरे रोवै गंगा धार
✍ लेखक: -
🎤 प्रस्तुतकर्ता: -
