भारत मा के रतन बेटा बढ़िया अव गा
भारत मा के रतन बेटा बढ़िया अव गा
मै छत्तीसगढ़ीया अव गा मै छत्तीसगढ़ीया अव रे
सोन उगाथव माटी खाथव मान ला दे के हासी पाथव
खेती खार संग मोर मितानी घाम मयारू हितवा बानी
मोर एही जिनगानी मैना गरियायव गा
किशन के बड़े भैया हल धरियायव रे
मै छत्तीसगढ़ीया अव गा मै छत्तीसगढ़ीया अव रे
भारत मा के रतन बेटा बढ़िया अव गा
मै छत्तीसगढ़ीया अव गा मै छत्तीसगढ़ीया अव रे
देस मया के भारत गीता दाई ददा मोर राम अऊ सीता
दया मया मोर परवा छानी पद के सेवा मोर सिखानी
घाम पानी सहवैया मै लहरियायव गा
मोर चंदैनिन गोंदा मै लहरियायव रे
मै छत्तीसगढ़ीया अव गा मै छत्तीसगढ़ीया अव रे
भारत मा के रतन बेटा बढ़िया अव गा
मै छत्तीसगढ़ीया अव गा मै छत्तीसगढ़ीया अव रे
ढेरा आटत उम्मर पहागे सुनत गारी कान पीरागे
अतिया देखत आखी आगे भूसा के भुर्री गुन्गवागे
झन का मोला लेढवा डोमि करियायव रे
सीधा मा सीधा नई तो डोमि करियायव रे
मै छत्तीसगढ़ीया अव गा मै छत्तीसगढ़ीया अव रे
भारत मा के रतन बेटा बढ़िया अव गा
मै छत्तीसगढ़ीया अव गा मै छत्तीसगढ़ीया अव रे
✍ लेखक: लक्ष्मण मस्तुरिहा जी
🎤 प्रस्तुतकर्ता: -