आमा डारा के छाएंव हरियर मड़वा

आमा डारा के छाएंव हरियर मड़वा

पाना डूमर के सजांव

के ये मोर दाई अंगना म माढ़े मोर बिहाव

सरई सईगोन के दाई मड़वा छवई ले

बहे पिरीत कई घांव

के ये मोर दाई सीता ला बिहावै राजा राम

पिवरी छुही म लिपेंव घर अउ कुरिया

अंगना म चउक पुरांव

के ये मोर दाई शीतला ल नेवत मैं आंव

नदी के तीर तीर दाई पड़की परेंवना

पड़की रे चुनी चुनी खाए

के ये मोर दाई सीता ल बिहावै राजा राम

पिवरी चांउर लाली गोंदा के फूल धर

ठाकुर देवता मनाव

ठाकुर बाबा देहू हो आशीष मया छांव