आबे नवरात मा दाई मोर अंगना मा वो-कार्तिक साहू

“आबे नवरात मा दाई मोर…”

मुखड़ा

आबे नवरात मा दाई मोर अंगना मा वो,

आबे नवरात मा दाई मोर भुवना मा वो।

अंगना मा वो दाई भुवना मा वो (2)

आबे नवरात मा दाई मोर अंगना मा वो,

आबे नवरात मा दाई मोर भुवना मा वो।

अंतरा 1

नर नारी तोर सेवा ला गाये,

गांव गली आरा पारा वो। 2

मेंहा तोर सेवा में आयेव,

सुन लेबे मोर गोहारा वो। 2

अंगना मा वो दाई भुवना मा वो (2)

आबे नवरात मा दाई मोर अंगना मा वो,

आबे नवरात मा दाई मोर, भुवना मा वो।

अंतरा 2

मन के मनोरथ पूरा करे बर,

बोये हांवव जंवारा वो। 2

चंदन बंदन पाठ पिड़ुलिया,

ताल सगुरिया न्यारा वो। 2

अंगना मा वो दाई भुवना मा वो (2)

आबे नवरात मा दाई मोर अंगना मा वो,

आबे नवरात मा दाई मोर भुवना मा वो।

अंतरा 3

तोर भक्ति ला देके दाई,

जिंदगी ला कर उजियारा वो 2

नई हे भरोसा ये दुनिया के,

तोरे हावय सहारा वो। 2

अंगना मा वो दाई, भुवना मा वो (2)

आबे नवरात मा दाई मोर, अंगना मा वो,

आबे नवरात मा दाई मोर, भुवना मा वो।